ਕਿੰਨੀਆਂ ਘਰਾਂ ਨੂੰ ਲੱਗੀਆਂ ਅੱਗਾਂ, ਕਿੰਨੇ ਘਰੋਂ ਬੇ ਘਰ ਹੋਏ,
ਅੱਧ ਸਾੜੀਆਂ ਲਾਸਾਂ ਕੋਲ,ਬੇ ਵੱਸ ਜੋ ਬੈਹ ਕੇ ਰੋਏ।
ਗਲਾਂ ਚ ਟਾਇਰ ਪਾ ਕੇ ਜੋ ਸਾੜੇ ਬੰਦੀਆ ਦਾ,
ਸਾਨੂੰ ਚਾਹੀਦਾ ਇਨਸਾਫ਼ ਚੌਰਾਸੀ ਵਾਲੇ ਦੰਗਿਆਂ ਦਾ।
=================
ਜੇਹੜੀਆਂ ਲੁੱਟੀਆਂ ਇਜ਼ਤਾਂ, ਜੇਹੜੀਆਂ ਗਈਆਂ ਕੀਮਤੀ ਜਾਨਾਂ,
ਸ਼ਰੇਆਮ ਜੋ,ਟੋਟੇ ਹੋਏ ਤਿਖੀਆਂ ਨਾਲ ਕ੍ਰਿਪਾਨ।
ਲਾ ਵਾਰਿਸਾਂ ਵੰਗੁ ਪਏ ਸ਼ਰੀਰ, ਖ਼ੂਨ ਚ ਰੰਗੀਆਂ ਦਾ ,
ਸਾਨੂੰ ਚਾਹੀਦਾ ਇਨਸਾਫ਼ ਚੌਰਾਸੀ ਵਾਲੇ ਦੰਗਿਆਂ ਦਾ।
=================
ਅਜ਼ੇ ਵੀ ਚੇਤੇ ਸਾਨੂੰ,ਜੋ ਕੈਹਰ ਸਿੱਖਾਂ ਤੇ ਝੁੱਲੇ,
ਚੌਰਾਸੀ ਵਾਲ਼ਾ ਕਾਂਡ ਅਸੀਂ, ਅਜ਼ੇ ਤੱਕ ਨਾ ਭੁੱਲੇ।
ਬਣੀਆ ਕਿਉਂ ਨਾ? ਕੁੱਝ ਵੀ ਹੱਥ ਖ਼ੂਨ ਚ ਰੰਗੀਆਂ ਦਾ,
ਸਾਨੂੰ ਚਾਹੀਦਾ ਇਨਸਾਫ਼ ਚੌਰਾਸੀ ਵਾਲੇ ਦੰਗਿਆਂ ਦਾ
=================
ਜਦੋਂ ਚੇਤੇ ਆਉਂਦੇ ਸੀਨ, ਸਾਡਾ ਖ਼ੂਨ ਖੌਲ ਹੈ ਉਠਦਾ,
ਕਿਉਂ ਮਿਲੀਆ ਨਾ ਇਨਸਾਫ਼ ਅਜੇ, ਭੰਗੁਵਾਂ ਦਾ ਸੱਤਾ ਪੁੱਛਦਾ ?
ਗ਼ੌਰ ਕਿਸੇ ਨਾ ਕੀਤਾ,ਸਾਡੇ ਇਨਸਾਫ਼ ਮੰਗੀਆਂ ਦਾ,
ਸਾਨੂੰ ਚਾਹੀਦਾ ਇਨਸਾਫ਼ ਚੌਰਾਸੀ ਵਾਲੇ ਦੰਗਿਆਂ ਦਾ,
ਕਿਉਂ ਮਿਲਦਾ ਨਹੀਂ ਇਨਸਾਫ਼ ਚੌਰਾਸੀ ਵਾਲੇ ਦੰਗਿਆਂ ਦਾ,
ਕਦੋਂ ਮਿਲੇਗਾ ਇਨਸਾਫ਼ ਚੌਰਾਸੀ ਵਾਲੇ ਦੰਗਿਆਂ ਦਾ|
ਗੀਤਕਾਰ ਸੱਤਾ ਸਿੰਘ (ਭੁੰਗਵਾ ਵਾਲਾ)
ਮੋਬਾਇਲ ਨੰਬਰ-7569954684
“ਮੇਰੇ ਜਜ਼ਬਾਤ ”
ਪੰਜਾਬ ਚੌਰਾਸੀ ਦਾ ਦਰਦ ਤੇ ਅਜੋਕੇ ਪੰਜਾਬ ਪੰਜਾਬੀਅਤ ਦੀਆਂ ਪ੍ਰਸਥਿਤੀਆਂ ਨੂੰ ਭਾਵਨਾਤਮਕ ਜਜ਼ਬਾਤਾਂ ਰਾਹੀਂ ਬਿਆਨ ਕਰਦੀਆਂ ਰਚਨਾਵਾਂ ਦੀ ਪੇਸ਼ਕਾਰੀ .. 🙏🙏